Imaxe do encontro ante o Caja Rural Atlético Benavente | Xose Ferreiro

Primeiro encontro da segunda volta da competición para os ponteses

Tra-lo paron polas Festas do Nadal, esta fin de semana dará comezo a segunda volta da liga na Segunda División B e o primeiro equipo de O Esteo recibirá maña sábado ás seis da tarde no Pavillón Polideportivo Municipal de A Fraga ao conxunto segoviano do C.D. San Cristobal Núñez Automoción.

Os ponteses, que queren voltar a facer do pavillón de A Fraga un verdadeiro fortín neste novo ano, arrancan a segunda volta da competición na décima posición dunha táboa clasificatoria con moita igualdade na parte media da mesma teñen catro puntos menos que o rival deste sábado polo que o este encontro toma unha relativa importancia para que os ambiciosos xogadores ponteses loiten polos tres puntos en xogo.

Diante terán a un C.D. San Cristobal formado por xogadores con experiencia en primeira división cunha mezcla de xogadores xovenes con calidade e moitas gañas como xa amosaron no encontro da primeira volta, disputado en terras segovianas, onde conseguían derrotar aos ponteses por 6 goles a 2.

O adestrador dos de As Pontes, Iván López, logo do derradeiro adestramento da semana, comentaba sobre o encontro de maña sábado que “comezamos a segunda volta da competición facendo borrón e conta nova diante un rival direto, onde non podemos perdoar e teremos que ir a por todas para que os tres puntos se queden en As Pontes”. Continuaba afirmando que “tivemos un nadal compricado con bastantes baixas por enfermidade á hora de adestrar pero a boa nova e que recuperamos aos xogadores que tiñamos lesionados”. Por último dicia “que esperamos que os xogadores enfermos se recuperen para poder competir nun encontro que creo que é clave para alonxarnos dos postos perigosos da clasificación e poder estar tranquilos na zona media da táboa”.

Dende o clube fan un chamamento á afección pontesa para que acuda ao pavillón pontés a presenciar e aportar ese ánimo extra aos xogadores neste importante encontro.

 

CATEGORÍAS BASE

Esta fin de semana tamen está de volta o Futbol Sala Galego, onde a maioria dos nosos equipos de base comezan a segunda parte da tempada agás o Infantís da Primera Futgal Ferrol que xa o fixeron antes do parón das festas do Nadal e o Filial que fai precisamente este fin de semana.

Os encontros repartense como a continuación se indica:

Sábado día 11

– Pavillón O Palomar (Lugo)

• 14ª XORNADA LIGA PREFERENTE FUTGAL

Ás 18:00 h.  ADC LUGO SALA ACASTI REFORMAS – O ESTEO F.S. INFANTIL “A”

Ás 20:00 h.  ADC LUGO SALA ACASTI REFORMAS – O ESTEO F.S. ALEVÍN “A”

Domingo día 12

– Pavillón Centro Penitenciario de Teixeiro

• 13ª XORNADA LIGA PRIMEIRA FUTGAL SENIOR

 Ás 11:00 h.  VICTORIA C.F. – O ESTEO F.S. “B”

 1ª XORNADA 2ª FASE LIGA PRIMEIRA FUTGAL FERROL

– Pavillón Campo da Serra (Narón)

 Ás 11:00 h.  C.D. ESTRELLA A SOLAINA – O ESTEO F.S. PREBENXAMÍN

Ás 16:00 h.  NARON FUTSAL – O ESTEO ALEVÍN “B”

– Pavillón do Ensanche (Ferrol)

 Ás 12:00 h.  GADESPORT O PARRULO “B” – O ESTEO F.S. BENXAMÍN

– Pavillón Polideportivo Municipal A Fraga (As Pontes)

• 3ª XORNADA 2ª FASE LIGA PRIMEIRA FUTGAL FERROL

Ás 20:00 h.  LAGO SPORT ENSINO  “B” – O ESTEO F.S. INFANTIL “B”